РАА: АПТА ҚОРЫТЫНДЫСЫ 31.10-06.11.2022

31 қазанда Республикалық адвокаттар алқасының Төралқасы:
- РАА Төралқасының Регламентін бекітті;
- Жетісу, Абай және Ұлытау облыстарының адвокаттар алқасының 2022 жылғы 4 тоқсандағы (қазан, қараша, желтоқсан) Республикалық адвокаттар алқасына ай сайынғы аударымдарды төлеуден босату туралы өтініштерін қолдады.
- барлық салықтар мен міндетті төлемдерді төлеу көзінен ұстай отырып, РАА Төралқасының шешімі негізінде РАА органдарында жұмыс істегені үшін адвокаттарға сыйақы төлеу тәртібін бекітті;
- Өзбекстан Республикасының адвокаттар палатасы мен Қазақстан Республикасының Республикалық адвокаттар алқасы арасында өзара түсіністік туралы Меморандумның қорытындысын мақұлдады;
- адвокаттар алқаларының республикалық конференциясының күн тәртібінен адвокаттық мантияны бекітуге байланысты мәселені алып тастады;
- Түркістан облыстық адвокаттар алқасы төралқасының мүшесі А.А. және Маңғыстау облыстық адвокаттар алқасы адвокаттардың Тәртіптік комиссиясының мүшесі В.Т. қатысты тәртіптік іс жүргізуді қозғау туралы шағымдарды РАА Тәртіптік комиссиясына ұсыну үшін себептер мен негіздердің болмауына байланысты қараусыз қалдырды.

2 қарашада ҚР Сыртқы істер министрлігінде РАА атқарушы директоры Айнаш Рақымованың қатысуымен ЕҚЫҰ Демократиялық институттар және адам құқықтары бюросының (ДИАҚБ) сарапшыларымен кездесу өтті. Сарапшылар Алматы қаласында, сондай-ақ 2022 жылғы қаңтар оқиғалары бойынша сот процестері өтетін өңірлерде екі-үш ай ішінде ҚР Жоғарғы Сотымен келісілген сот процестерінің мониторингін жүзеге асыру туралы айтып берді. Мониторингтің мақсаты судьялардың тәуелсіздігі мен бейтараптығын, тиімді қорғауды қоса алғанда, әділ сот талқылауының кепілдіктерінің сақталуын бағалау болып табылады. РАА өкілі сарапшыларға адвокаттық қызмет кепілдіктерін сақтаумен байланысты проблемалар туралы, қорғаушылардың өкілеттіктерін іске асыру тетіктерін жетілдіру қажеттілігі туралы хабарлады. Сарапшылардың пікірінше, мониторинг нәтижелері сот төрелігі жүйесін реформалау үшін пайдалы болатын нақты ұсыныстармен жария есепте жинақталатын болады.

2 қараша РАА Тәртіптік комиссиясы:
- Алматы облысы Әділет департаментінің шағымын қарау қорытындысы бойынша адвокат О. А. - ға "Адвокаттар алқасынан шығару" түріндегі тәртіптік жауапкершілік шарасын қолдану туралы шешім қабылдады; Алматы облыстық адвокаттар алқасының төралқасына "Адвокаттық қызмет және заң көмегі туралы" ҚР Заңының 60-бабына сәйкес адвокат О. А. алқадағы мүшелігін тоқтату туралы мәселені қарау тапсырылды;
- Батыс Қазақстан облысы Әділет департаментінің Батыс Қазақстан облыстық алқасы органдарының өтініштерді қарау жөніндегі іс-әрекеттерінің (әрекетсіздіктерінің) заңдылығын тексеру туралы ұсынысын қарау қорытындысы бойынша Т.Р. адвокаттар алқаларының басқару органдарының шешімдеріне шағымдану РАА Төралқасының құзыретіне жататынын түсіндіре отырып, олардың мүшелеріне қатысты тәртіптік іс жүргізуді тоқтату туралы шешім қабылдады.  

4 қарашада РАА төрағасы Айдын Бикебаев пен РАА Төралқасының мүшелері Гүлнар Байғазина, Әсел Тоқаева Өзбекстан Республикасының адвокаттар Палатасы БҰҰ Адам құқықтары жөніндегі Жоғарғы комиссарының басқармасымен және Заң мамандығындағы адам құқықтары саласындағы еуропалық оқыту бағдарламасымен (HELP) бірлесіп ұйымдастырған "Адвокатураны дамыту перспективалары:  Өзбекстан мен шет елдердің тәжірибесі" тақырыбында халықаралық адвокаттар конференциясына қатысты. РАА төрағасы  өз сөзінде Қазақстанда Адвокаттық қызмет кепілдігін қамтамасыз етудің кейбір мәселелері туралы айтып берсе, Гүлнар Байғазина  адвокаттардың біліктілігін арттыру жүйесі туралы бөлісті.  Толығырақ сілтеме бойынша

Өткен аптада РАА-ға келіп түскен кіріс/шығыс хат-хабарлардың саны 97 хатты құрады, оның ішінде адвокаттардың әрекеттеріне 19 шағым бар. Барлық өтініштер бойынша жұмыс жүргізілуде.