Мемлекеттік органдардағы өкілдер

Ұлттық құрылтай қызметінің негізгі мақсаты – қоғамдық бірігуді одан әрі дамыту жөніндегі идеялар мен қадамдарды тұжырымдау. 

Қоғамдық кеңес Қазақстан Республикасының Әділет Министрлігі құратын консультативтік-кеңесші, байқаушы орган болып табылады.

Қоғамдық кеңес қызметінің мақсаттары қоғамдық маңызы бар мәселелер бойынша азаматтық қоғамның пікірін білдіру, ішкі істер органдары қызметінің тиімділігін арттыру, ішкі істер органдарын қылмыстық көріністерге және құқық бұзушылықтардың алдын алуға олардың тез және барабар ден қоюы, ішкі істер органдарының азаматтық қоғам институттарымен және халықпен үйлесімді өзара қарым-қатынастарын құруға жәрдемдесу бөлігінде оларды жетілдіру жөніндегі мемлекеттің құқықтық саясаты тұжырымдамасының ережелерін іске асыру болып табылады.

Қоғамдық кеңес халық алдында есеп беретін мемлекетті қалыптастыру жөніндегі мемлекеттік саясатты іске асыру үшін Министрліктің азаматтық қоғаммен өзара іс-қимылын қамтамасыз етеді. 

Ғылыми-консультативтік кеңестің негізгі міндеттері Жоғарғы Соттың нормативтік қаулылар қабылдау және сот практикасын түсіндіру жөніндегі қызметін ғылыми сүйемелдеу, соттардың құқық қолдану қызметін жетілдіру мәселелері бойынша ғылыми негізделген ұсыныстар мен ұсынымдар дайындау болып табылады.

Жоғары Сот Кеңесі ҚР Президентінің соттарды қалыптастыру жөніндегі конституциялық өкілеттіктерін, судьялардың тәуелсіздігі мен оларға қол сұғылмаушылық кепілдіктерін қамтамасыз ету мақсатында құрылды.

Жоғары Сот Кеңесі жанындағы Біліктілік комиссиясы судьялыққа кандидаттардан олардың білім деңгейін және оларды практикада қолдану қабілетін айқындау үшін біліктілік емтиханын қабылдауды жүзеге асырады.

Сот жюриі судьяларға қатысты тәртіптік істерді қарау үшін құрылады. Сот жюриінің қызметіне араласуға және оның мүшелеріне ықпал етуге жол берілмейді. Сот жюриінің мүшесі өзінің іс жүргізуіндегі материалдар, қабылданған шешімдер бойынша қандай да бір ақпарат беруге құқылы емес.

Адам құқықтары жөніндегі уәкілдің жанынан консультативтік-талдамалық функциялары бар, адам мен азаматтың құқықтары мен бостандықтарын қорғау саласында жұмыс тәжірибесі бар адамдардан тұратын сараптамалық кеңес құрылды.

Комиссия Мемлекет басшысының Қазақстан Республикасының Конституциясына сәйкес танылатын және кепілдік берілетін адамның және азаматтың құқықтары мен бостандықтарының кепілі ретіндегі өзінің конституциялық өкілеттіктерін іске асыруына жәрдемдесетін консультативтік-кеңесші орган болып табылады.