РАА: АПТАНЫҢ ҚОРЫТЫНДЫСЫ 03.10-09.10.2022

3 және 4 қазанда ҚР Адвокатурасының тәртіптік комиссиясы аумақтық алқалардың адвокаттарын тәртіптік жауапкершілікке тарту туралы үш шағымды қарады. Шымкент қаласы Адвокаттар алқасының екі адвокатына қатысты шағымдар бойынша оларды адвокаттар алқасынан шығару туралы шешім қабылданды. Алматы облыстық адвокаттар алқасының адвокатына қатысты мерзімдердің өтуіне байланысты тәртіптік іс тоқтатылды. 

5 қазанда РАА төрағасы Айдын Бикебаев ҚР Парламенті Сенатында сот жүйесін одан әрі реформалау мәселесі бойынша кеңеске қатыса отырып, Жоғары Сот Кеңесі құрамындағы, сондай-ақ оның комиссиясының құрамындағы, оның ішінде Сот жюриіндегі адвокаттар, басқа заң қоғамдастықтарының өкілдерін, ғалымдар санын көбейтуді ұсынды. Сондай ақ ҚР-дағы алқабилер сот құзыретін кеңейтуге қатысты мәселелерді қозғады.

6 қазанда РАА Президиумы келесі шешімдерді қабылдады:
- адвокаттар алқаларының республикалық конференциясын 2022 жылғы 25 қарашадан 2022 жылғы 22 қарашаға ауыстыру туралы:
- адвокаттардың кәсіби құқықтарын қорғау жөніндегі комиссия құрамынан екі адвокатты шығару жөніндегі өтінішті қанағаттандырудан бас тарту туралы;
- Алматы қалалық адвокаттар алқасының адвокаты Е. Л. Жигаленокты адвокаттардың кәсіби құқықтарын қорғау жөніндегі комиссияның құрамына енгізу туралы өтінішті қанағаттандыру туралы;
- ҚР Ғылыми-консультативтік кеңестің құрамына Алматы қалалық адвокаттар алқасының адвокаты А. В. Каплан мен Солтүстік Қазақстан облыстық адвокаттар алқасының адвокаты Л. С. Степураны қосу туралы өтінішті қанағаттандыру туралы;
- адвокатура және Адвокаттық қызмет саласындағы наградалар туралы Ережеге сәйкес РАА наградаларының саны белгіленді;
- аумақтық адвокаттар алқалары төралқаларының төрағаларына адвокаттарды марапаттау туралы дәлелді өтінішхаттарды ағымдағы жылғы 01 қарашаға дейінгі мерзімде ұсыну тапсырылды.
- адвокатураның тәртіптік комиссиясы туралы ережеге өзгерістер мен толықтырулар бекітілді;
- төсбелгі туралы ережеге өзгерістер енгізілді;
- Шығыс Қазақстан облыстық адвокаттар алқасының жалпы жиналысына 15 қазанда РАА төрағасының орынбасары И.О. Вранчев қатысады.

7 қазанда Жоғарғы Соттың ғылыми-консультативтік кеңесінің отырысы өтті. Онда қылмыстық және қылмыстық іс жүргізу заңнамасы бойынша Жоғарғы Соттың нормативтік қаулыларына өзгерістер мен толықтырулардың үлкен пакеті қаралды. Толығырақ сілтеме бойынша

8 қазанда ҚР төрағасы Түркістан облыстық адвокаттар алқасының жалпы жиналысына (конференциясына) қатысты. Жиналыс Төралқа жұмысының есебін, өткен 9 айдағы кірістер мен шығыстар сметасының орындалуы туралы есепті бекітті. Жоғары орган алқа төрағасы Қайрат Уәлиханұлы Қамбаровты екінші мерзімге сайлады, сондай-ақ Түркістан облысы адвокаттар алқасының барлық органдарының құрамын құрады, оның ішінде 2022 жылғы 22 қарашада Астана қаласында өтетін Республикалық адвокаттар конференциясының жұмысына қатысу үшін 5 делегатты сайлады.

Өткен аптада РАА-ға келіп түскен кіріс/шығыс хат-хабарлардың саны 81 хатты құрады, оның ішінде адвокаттардың әрекеттеріне 14 шағым түскен. Барлық өтініштер бойынша жұмыс жүргізілуде.