АДВОКАТТАР НАЗАРЫНА. ӘДІЛЕТ МИНИСТРЛІГІ МКБЗК БОЙЫНША ТӨЛЕМДЕР МӨЛШЕРІН 2,8 ЕСЕ ДЕЙІН ҰЛҒАЙТУДЫ ЖОСПАРЛАП ОТЫР

Республикалық адвокаттар алқасы (РАА) Мемлекет кепілдік берген заң көмегін көрсету жүйесіне (МКБЗК) қатысатын адвокаттардың еңбек жағдайын жақсартуға бағытталған бастамаларды белсенді түрде қолға алуда. Ең өзекті мәселелердің қатарында адвокаттардың еңбекақысын арттыру, олардың процессуалдық оппоненттерге тәуелділігін азайту және «Заң Көмегі» ақпараттық жүйесін жетілдіру қажет.

Бұл мәселелер Ұлттық Құрылтайдың «Азаматтық қоғам» секциясының жұмысы аясында талқылауға шығарылды.

Қазіргі уақытта Қазақстан Республикасының Әділет министрлігі адвокаттардың заң көмегін көрсету жағдайларын жақсартуға бағытталған бұйрықтардың жобаларын әзірледі. Жобалар «Ашық НҚА» порталында орналастырылған.

Бұл бұйрықтарда МКБЗК бағдарламасына қатысатын адвокаттардың жалақысын орта есеппен 2-ден 2,8 есеге дейін арттыру ұсынылды. Сондай-ақ алғашқы екі сағатты 30 минутқа бөлмей дөңгелектеу ұсынылады, бұл есептеу процесін жеңілдетеді және адвокаттар үшін сыйақының түпкілікті мөлшерін арттырады.

Адвокаттар 2024 жылдың 16 мамырына дейін «Ашық НҚА» порталында бұйрық жобаларына өз пікірлерін білдіріп, ұсыныстарын қалдыра алады.