РАА ТӨРАҒАЛЫҒЫНА ҮМІТКЕРЛЕРДІҢ ПІКІРСАЙЫСТАРЫ 15 ҚАРАШАДА ӨТЕДІ

2025 жылғы 15 қарашада сағат 10:00-де Республикалық адвокаттар алқасының кеңсесінде РАА төрағалығына үміткерлердің пікірсайыстары өтеді.

Іс-шара үміткерлер үшін офлайн форматта ұйымдастырылады, ал Zoom платформасында және РАА-ның ресми Facebook парақшасында онлайн тікелей эфир жүргізіледі.

Адвокаттар үшін Zoom арқылы қатысу алдын ала тіркеу арқылы жүзеге асырылады.

Тіркеу сілтемесі РАА-ның ресми интернет-ресурстарында жарияланады.

Тіркеу нысанын толтырғаннан кейін қосылу сілтемесі көрсетілген электронды пошта мекенжайына жіберіледі.

Пікірсайыстардың мақсаты – барлық үміткерлер үшін ашықтық пен тең мүмкіндіктерді қамтамасыз ету, сондай-ақ адвокаттармен тікелей пікір алмасуға мүмкіндік беру.

Модераторлар регламенттің сақталуын, тең жағдай мен сөз уақытының әділ бөлінуін қадағалайды.

РАА Төралқасы бекіткен пікірсайыс өткізу тәртібіне сәйкес бағдарлама төмендегідей кезеңдерден тұрады:

* үміткерлердің өздерін және басты басымдықтарын қысқаша таныстыруы;

* жеребе арқылы анықталған сұрақтарға жауап беру;

* үміткерлердің бір-біріне қойған сұрақтары;

* аудиториядан барлық қатысушыларға қойылатын сұрақтар;

* қорытынды сөздер.

Онлайн трансляция тікелей эфирде көрсетіледі, ал пікірсайыстардың жазбасы Республикалық адвокаттар алқасының мұрағатында сақталады.

Ұйымдастырушы – Республикалық адвокаттар алқасы (РАА).

Zoom платформасына қосылу мен техникалық қолдау көрсеткені үшін Алматы қалалық адвокаттар алқасының басшылығына алғыс білдіреміз.