Адвокаттар әріптесін қорғауға келді: Сот Наталья Бурмистрованың шағымын қанағаттандырды

Кеше Шымкент қаласының соты адвокат Наталья Бурмистрованың Шымкент қалалық ІІБ Тұран РПБ бөлімшесінің бастығының Қазақстан Республикасының ӘҚБтК  73-бабының 2-бөлігі бойынша жала жапты деген айыппен әкімшілік құқық бұзушылық туралы істі тоқтату туралы қаулысына қарсы шағымын қарады.

Наталья Бурмистрова Қазақстан Республикасы ӘҚБтК-нің 73-бабы бойынша айыпталған хаттаманы жасаған инспектордың отбасы-тұрмыстық қатынастар саласындағы заңсыз әрекеттеріне қатысты шағым түсірді. Адвокаттың әкімшілік құқық бұзушылық жасағаны туралы заңды тұлғаның арызы негізінде хаттама жасалды.

Сот Наталья Бурмистрованың әрекетінде құқық бұзушылық құрамының және құқық бұзушылық оқиғасының өзінде жоқ екенін анықтады. Сондай-ақ, судья Мамырова Г., полиция қызметкеріне хаттама жасау кезінде процессуалдық заң бұзушылықтарға жол бергені үшін жеке ұйғарым шығарды.

Қорғаушылар ретінде РАА Төралқасының мүшесі Виктор Кривоносов және РАА Төралқасының мүшесі әрі Адвокаттардың құқықтарын қорғау комиссия мүшесі болып табылатын Бақыт Үсетов процесске қатысты. Сонымен қатар, Наталья Бурмитсрованың құқықтарын қорғауға Адвокаттардың құқықтарын қорғау комиссия мүшесі Жаналидин Мырзатаев, Шымкент қалалық адвокаттар алқасының адвокаттары Баходир Иристаев, Абдималик Жолдасбаев, Нуркен Есенов, Сергей Батіщев, Аскар Сапаргалиев, Берик Ыбышев, Аскар Алтыбаев, Жанболат Жусипахметов ат салысты.

Республикалық адвокаттар алқасы Наталья Бурмистрованы қорғауға қатысқан барлық адвокаттарға алғысын білдіреді. Олардың ұйымшылдығы мен кәсібилігі әріптесіміздің мүддесін табысты қорғауда шешуші рөл атқарды.

Бұл іс адвокаттар қауымдастығының күштілігінің, әріптестерін қорғауға және әділеттілікті қорғауға дайындығының тағы бір жарқын мысалы болды.