СЕУЛДЕ ӨТЕТІН КОНФЕРЕНЦИЯҒА ҚАТЫСУ ҮШІН IBA СТИПЕНДИЯСЫ
Халықаралық адвокаттар қауымдастығы (IBA) 2027 жылғы 3–5 наурыз аралығында Сеул қаласында (Корея Республикасы) өтетін IBA Asia Pacific Regional Forum 9-шы конференциясына қатысу үшін IBA Asia Pacific Regional Forum Scholarship стипендиялық бағдарламасына өтінім қабылдау басталғанын хабарлады.
Конференция екі жылда бір рет өткізіледі және Азия-Тынық мұхиты өңірінің әртүрлі елдерінен келген заң қауымдастығы өкілдерінің басын қосатын алаң болмақ. Іс-шара аясында заңгерлік кәсіптің өзекті мәселелері мен халықаралық ынтымақтастықты дамыту мәселелерін талқылау жоспарланған.
IBA стипендиялық бағдарламасы конференцияға қатысуға мүдделі, алайда сапарға және іс-шараға қатысуға байланысты шығындарды өз бетінше өтеуге мүмкіндігі жоқ адвокаттарға арналған.
Қатысу үшін стипендия алуға арналған өтінімді толтырып, оны Халықаралық адвокаттар қауымдастығына жолдау қажет.
Өтінімдерді қабылдау мерзімі - 2026 жылғы 16 қазанға дейін.
Қатысу шарттары туралы толық ақпарат пен өтінім нысаны IBA стипендиялық бағдарламасының материалдарында қолжетімді.
