РАА ТӨРАҒАСЫНЫҢ МӘЖІЛІСТІҢ САЛАЛЫҚ КОМИТЕТІ ДЕПУТАТТАРЫМЕН ТАНЫСУ КЕЗДЕСУІ

РАА төрағасы Мәди Мырзағараев ҚР Парламенті Мәжілісінің Заңнама және сот-құқықтық реформа жөніндегі комитетінің депутаттары – Үнзила Шапақ, Абзал Құспан, Жарқынбек Амантай және Нұрсұлтан Байтілесовпен кездесті.

Кездесу танысу сипатында өтті және РАА мен Комитеттің кәсіби мүдделері аясындағы мәселелерге арналды. Тараптар адвокатураның жария-құқықтық институт ретіндегі қызметіне әсер ететін нормативтік реттеуді дамыту аспектілерін, сондай-ақ азаматтарды білікті заң көмегімен қамтамасыз етуге қатысты тақырыптарды талқылады.

Қатысушылар бірқатар заң жобалары бойынша жүргізіліп жатқан жұмыс туралы пікір алмасты және заң көмегі саласына қатысты заңнамалық бастамаларды тиімдірек талқылау үшін кәсіби байланысты тұрақты түрде жалғастыру қажеттілігімен келісті.