11.03.2024 – 15.03.2024 НӘТИЖЕЛЕРІ
11 наурызда РАА ҒКК төрағасы Сергей Сизинцев, РАА ҒКК мүшелері Дмитрий Куряченко, Айдана Нұркеева, адвокаттар Әлия Илькенова, Ерлан Ғазымжанов Қазақстан Республикасы Парламенті Мәжілісінің депутаты Құспан Абзалдың төрағалығымен «Қазақстан Республикасының кейбір заңнамалық актілеріне Қылмыстық, Қылмыстық-процестік және Қылмыстық-атқару кодекстерін оңтайландыру мәселелері бойынша өзгерістер мен толықтырулар енгізу туралы» заң жобасын қарау туралы жұмыс тобының отырысына қатысты, онда сотқа дейінгі тергеп-тексеру тәртібіне, қамауға алынғандардың конституциялық құқықтықтарының сақтауына, бұлтартпау шараларын таңдау, кассациялық сотқа шағымдану жағдайларына қатысты өзгерістер талқыланды. Барлық ұсыныстар жақсартуға алынған.
12 наурызда РАА Төрағасының орынбасары Игорь Вранчев, РАА Төралқа мүшелері Қалтай Қалиақпаров, Эльвира Абдулина және Рашид Евниев ғалымдар және сарапшылармен бірге Қазақстан Республикасының «Жеке детективтік қызмет туралы» Заң жобасын әзірлеуге қатысты мәселелерді кезекті талқылауға қатысты. Қазақстан Республикасы Президентінің Іс басқармасы жанындағы Парламентаризм институты «АМАНАТ» партиясының Қоғамдық саясат институтымен бірлесіп ұйымдастырған «Қазақстандағы жеке детективтік қызметті заңнамалық реттеудің проблемалық мәселелері мен болашағы» тақырыбындағы дөңгелек үстел отырысында көршілес мемлекеттердің заңнамалық базасы, заңды және жеке тұлғаларға қызмет көрсету түрлері мен мүмкіндіктері, сондай-ақ детективтердің өкілеттіктері, олардың құқықтары мен міндеттері талқыланды.
13 наурызда депутат Магеррам Магеррамовтың төрағалығымен Қазақстан Республикасы Парламенті Мәжілісінің «Қазақстан Республикасының кейбір заңнамалық актілеріне процестік заңнаманы жетілдіру, адвокаттық қызмет және заң көмегін көрсету, дауларды соттан тыс және сотқа дейін шешу мәселелері бойынша өзгерістер мен толықтырулар енгізу туралы» заң жобасын қарау жөніндегі жұмыс тобының кезекті отырысы өтті. Адвокаттардың кәсіби жауапкершілігін ерікті сақтандыруды енгізу туралы ұсыныстар қаралды, бұл топ мүшелерінің арасында қызу пікірталас тудырды, өйткені бұл норманың әрекет ету кезеңінде азаматтардың сақтандыру компанияларына төлем жасау үшін жүгінуінің бірде-бір жағдайы болған жоқ. Сондай-ақ отырыста адвокат тағылымдамашыларын іріктеу критерийлері, сондай-ақ EGOV.KZ порталы арқылы МКБЗК сертификатын алу нұсқалары қарастырылды. Барлық түзетулер қайта қарауға алынды.
14 наурызда РАА Ғылыми-консультативтік кеңесі келесі мәселелер бойынша ұстанымдарды бекітті:
1) конституциялық меншік құқықтарын қорғауды күшейту жөніндегі ұсыныстарды әзірлеу туралы (Қазақстан Республикасының 2030 жылға дейінгі Құқықтық саясат тұжырымдамасын іске асыру жөніндегі іс-шаралар жоспарының 15-тармағына сәйкес);
2) Қазақстан Республикасының Парламент Мәжілісінде қаралып жатқан «Кейбір заңнамалық актілерге сот жүйесін реформалау және іс жүргізу заңнамасын жетілдіру мәселелері бойынша өзгерістер мен толықтырулар енгізу туралы» Қазақстан Республикасы Заңының жобасына РАА-ның қосымша ұсыныстары.
Өткен кезеңде РАА-ға түскен кіріс/шығыс хат-хабарлардың саны 85 хаттарды, сонымен қатар 23 шағымдар мен өтініштерді құрады. Барлық сұраулар өңделуде.
РАА Төрағасы мен Төрағасының орынбасары адвокаттармен, мемлекеттік органдардың өкілдерімен бірқатар кездесулер өткізді, сондай-ақ азаматтарды қабылдады.
