АДВОКАТУРА ЖӘНЕ ҚАЖК – УАҒДАЛАСТЫҚҚА ҚОЛ ЖЕТКІЗІЛДІ

Жақын арада Республикалық адвокаттар алқасы және ІІМ Қылмыстық-атқару жүйесі комитеті арасында Ынтымақтастық туралы Меморандумға қол қойылады.

Республикалық адвокаттар алқасының төрағасы Түгел Ануар мен ІІМ Қылмыстық-атқару жүйесі комитетінің төрағасы Базылбеков Азаматпен жұмыс кездесуі өтті. Онда тараптар ҚАЖ Комитетінің мекемесіндегі тұлғаларға білікті адвокаттық заң көмегін көрсету бөлігіндегі адвокаттық қызметті жүзеге асыру үшін қолайлы жағдайлар жасау мәселесінде келісімге келді.

Талқылауда ҚР ІІМ Қоғамдық Кеңес төрағасы Қоғамов Марат қатысты.

Бірінші кезекте көтерілген мәселелердің басым бөлігі сотталған және тергеу-қамалға алынған тұлғалардың Конституциялық құқықтары мен адвокаттық қызмет кепілдіктерін сақтауға бағытталған, атап айтқанда:

  • Адвокаттық досьемен танысуға жол бермеу (адвокаттық іс жүргізу) ;
  • Видео және аудио жазумен жабдықталмаған үй-жайларда адвокаттардың өзi қорғайтын адаммен жеке құпия кездесулер мен әңгімелесулермен қамтамасыз ету;
  • Адвокаттың үстіндегі бағалы заттарды (сырға, сақина, тізбек, механикалық сағаттар) тәркілеуге  тыйым салу және тағы да басқа.

Осы және өзге де мәселелер бойынша тараптар келісімге келді және алдағы уақытта ынтымақтастық туралы Меморандумға қол қойылады деп күтілуде.

РАА Баспасөз қызметі

Добавить комментарий: